Երեք օր ասելիս մենք պատկերացնում ենք մի կարճ ժամանակահատված, որի ընթացքում հնարավոր չէ որևէ կարևոր ձեռք բերում ունենալ։ Ընդամենը չորս օր առաջ ես էլ էի այդ կարծիքին, սակայն <<Մխիթար Սեբաստացի>> կրթահամալիրը փոխեց իմ մտածելակերպը։ Մենք երեք օրով մասնակցեցինք քաղաքային ճամբարին, սովորեցինք բլոգ վարել, հասցրինք նոր ծանոթություններ ձեռք բերել, արհեստանոցներ և ագարակ այցելել, պարել, չմոռանամ նշել, որ այս ամենը տեղի էր ունենում միայն հաճելի մթնոլորտում և փողադարձ հարգանքի ուղորդմամբ։ Իրականում եթե մանրամասն պատմեմ մեր արկածները, ապա այս նյութը ավարտ չի ունենա։ Ես շատ ուրախ եմ իմ արած ընտրության համար, քանի որ սկզբում շատ էի անհանգստանում նոր միջավայրի մտնելու համար, սա էլ կյանքի նոր փուլ էր, որը դեռ շարունակություն կունենա։ Վստահ կարող եմ ասել, որ իմ ամեն օրը մյուսից հետաքրքիր և նոր գիտելիքներով լեցուն կանցնի։
Շնորհակալությունս ուզում եմ հայտնել դպրոցի աշխատակազմին՝ բոլորիս գրկաբաց ընդունելու և նման հնարավորություններ տրամադրելու համար։
Լիլիթ Աբրահամյան 
Թողնել մեկնաբանություն